AFC U-22 မြန်မာအသင်း ခြေစစ်ပွဲအောင်ပြီ

“AFC U-22 ခြေစစ်ပွဲ မြန်မာအသင်း အုပ်စုအဆင့်မှတက်ရောက်ကာ ခြေစစ်ပွဲအောင်ပြီ”

AFC U-22 ခြေစစ်ပွဲ အုပ်စု (G) ပွဲစဉ်အဖြစ် မလေးရှားနှင့် မြန်မာအသင်းတို့ ယနေ့ညနေ ၆ : ၁၅ က သုဝဏ္ဏ အားကစားကွင်းတွင် ယှဉ်ပြိုင်ကစားခဲ့ရာ မြန်မာအသင်းက ၂-၁ ဖြင့် အနိုင်ရရှိကာ အုပ်စုအဆင့်မှ တက် ရောက်ကာ ခြေစစ်ပွဲအောင်မြင်သွားခဲ့ပြီ ဖြစ်သည်။မြန်မာအတွက် အဖွင့်ဂိုးကို ပွဲကစားချိန် ၃၃ မိနစ်တွင် တိုက်စစ်မှူး ကောင်းစည်သူက သွင်းယူခဲ့ပြီး ပထမပိုင်းအပြီးတွင် မြန်မာအသင်းက ၁-ဝ ဖြင့် ဦးဆောင် နိုင်ခဲ့သည်။ ဒုတိယပိုင်း ဆက်လက်ယှဉ်ပြိုင်ကစားရာ ပွဲကစားချိန် ၅၃ မိနစ်တွင် ကောင်းစည်သူကပင် ဒုတိယအနိုင်ဂိုးကို ထပ်မံသွင်းယူခဲ့သည်။ မလေးရှားအတွက် ချေပဂိုးကို ပွဲကစားချိန် မိနစ် ၉၀ တွင် ပင်နယ်တီမှတစ်ဆင့် သွင်းယူသွားခဲ့သည်။ယခုပွဲအနိုင်ရရှိသည့် မြန်မာအသင်းသည် အုပ်စု (G) တွင် ရမှတ် ၁၃ မှတ်ရရှိသွားခဲ့ပြီး တောင်ကိုရီးယားနှင့် ရမှတ်တူသွားခဲ့သည်။ အုပ်စု (G) တွင် ဂိုးကွာခြားချက်အရ တောင်ကိုရီးယားက အုပ်စုပထမနေရာမှလည်းကောင်း၊ မြန်မာအသင်းက အုပ်စုဒုတိယနေရာမှလည်းကောင်း အုပ်စုအဆင့်မှ အသီးသီး တက်ရောက်ကာ ခြေစစ်ပွဲအောင်မြင်သွားပြီ ဖြစ်သည်။
မြန်မာ-မလေးရှားပွဲစဉ်တွင် မြန်မာအသင်းအတွက် နှစ်ဂိုးဆက်တိုက် သွင်းယူပေးခဲ့သော ရှေ့တန်းတိုက်စစ်မှူး နံပါတ်(၉) ကောင်းစည်သူ
ယနေ့ ယှဉ်ပြိုင်ကစားခဲ့သည့် အုပ်စု (G) အခြားပွဲစဉ်ရလဒ်များမှာ အောက်ပါအတိုင်းဖြစ်သည်။
တောင်ကိုရီးယား ၂ - ဝ ဗီယက်နမ်
တရုတ် (တိုင်ပေ) ၂ - ၁ ဖီလစ်ပိုင်

POPULAR WEB SITE

>> ပြည်တွင်းပြည်ပသတင်းဆိုဒ်များ
 
>> ပါတီနိုင်ငံရေးဆိုဒ်များ

 
 
   
   
   
     
     
>> နည်းပညာနဲ့ဆိုင်သောဆိုဒ်များ
 
>> Mobile ဖုန်းနည်းပညာဆိုဒ်များ

 

 

 

 
 
     

     
>> ကျန်းမာရေးဆိုင်ရာ Website များ
>> ရုပ်ရှင်မင်းသား/မင်းသမီး၊Model ဆိုဒ်များ

 

     

     
         
     
         

Facebook Fan Pages

Copyright 2011 Myanmar Collection News All rights reserved Designed by KOHTUN
ကိုထြန္း ...Myanmar Collection