၂၆ ကြိမ်မြောက် ဆီးဂိမ်း ဖွင့်ပွဲအခမ်းအနား
နိုဝင်ဘာ ၁၁ရက်နေ့က အင်ဒိုနီးရှားနိုင်ငံမှာကျင်းပတဲ့ ၂၆ ကြိမ်မြောက် အရှေ့တောင်အာရှ ဆီးဂိမ်း SEA Games (Southeast Asian games) အားကစားပြိုင်ပွဲ ဖွင့်ပွဲ အခမ်းအနားမှာတွေ့ရတဲ့ မြန်မာ အားကစား သမားများရဲ့ ပုံရိပ်တချို့ပါ။
နိုဝင်ဘာလ ၂၂ ရက်နေ့အထိကျင်းပမယ့် ဒီပြိုင်ပွဲကို မြန်မာနိုင်ငံ အပါအဝင် နိုင်ငံပေါင်း ၁၁ နိုင်ငံက အား ကစားနည်း ၄၄ မျိုးနဲ့ ပါဝင်ယှဉ်ပြိုင်ကြမှာ ဖြစ်ပါတယ်။
ဖွင့်ပွဲ မစခင်မှာပဲ ထိုင်းက ရွှေတံဆိပ် ၃ ခုနဲ့ ကြေးတံဆိပ် ၁ ခု ရရှိထားပါတယ်။ အိမ်ရှင် အင်ဒိုနီးရှားကတော့ ရွှေ ၂ ခု၊ ငွေ ၂ ခု နဲ့ ကြေး ၁ ခုကို ကနူးနဲ့ ကယက် လှေပြိုင်ပွဲမှာရသလို မြန်မာနိုင်ငံကလည်း ဒီ ကနူးနဲ့ ကယက် လှေပြိုင်ပွဲတွေမှာ ငွေတံဆိပ် ၂ ခု၊ စင်္ကာပူက ငွေ ၁ ခု၊ ကြေး ၂ ခုရပြီးတော့ ဗီယက်နမ်ကတော့ ကြေး တံဆိပ် ၁ ခု ရရှိထားတယ်လို့ သိရပါတယ်။