ဖေဖော်ဝါရီလ အတွက် အောင်ဘာလေ သိန်းထီဆု အက္ခရာ သုံးလုံး တိုးမြှင့် ပေးအပ်သွားမည်
ဘဏ္ဍာရေးနှင့် အခွန် ဝန်ကြီးဌာန ပြည်တွင်း အခွန်များ ဦးစီးဌာန အောင်ဘာလေ သိန်းဆု ဌာနခွဲမှ ထုတ်ပြန်ချက် အရ ဖေဖေါ်ဝါရီလ ၁ ရက်နေ့မှာ ဖွင့်လှစ်မယ့် ၂၇၇ ကြိမ်မြောက် အောင်ဘာလေ သိန်းထီ ဖွင့်ပွဲမှာ အက္ခရာ သုံးလုံး ထပ်မံ တိုးမြှင့်သွားမှာ ဖြစ်တယ်လို့ သိရပါတယ်။
ယခင် ၂၇၄ ကြိမ်မြောက် အောင်ဘာလေ သိန်းထီ ဖွင့်ပွဲမှာ ဖွင့်လှစ် ရောင်းချ ပေးလျက်ရှိတဲ့ အောင်ဘာ လေ ထီစောင်တွေမှာ အက္ခရာ ၂၄ လုံး အနေနဲ့ က မှ ဘ ထိသာ သတ်မှတ် ထားခဲ့ပါတယ်။ ၂၇၅ ကြိမ်မြောက်နဲ့ ၂၇၆ ကြိမ်မြောက် ထီ ဖွင့်ပွဲမှာတော့ အက္ခရာ ၂၅ လုံး အဖြစ် က မှ မ အထိ တိုးမြှင့် ဖွင့်လှစ်ခဲ့ပြီး လာမယ့် ၂၇၇ ကြိမ်မြောက် ထီ ဖွင့်ပွဲ မှာတော့ အက္ခရာ ၂၈ လုံး အဖြစ် က မှ လ အထိ ထပ်မံ တိုးမြှင့် ဖွင့်လှစ်သွားမှာ ဖြစ်တယ်လို့ သိရပါတယ်။
ဒီလို အက္ခရာတွေ ထပ်မံ တိုးမြှင့် ဖွင့်လှစ်ရခြင်းမှာ လက်ရှိ ထီဈေးကွက်မှာ ထီထိုးသူ များပြားစွာ ရှိလာတဲ့ အတွက် ထပ်မံ တိုးမြှင့် ဖွင့်လှစ်ရတာ ဖြစ်တယ်လို့ သိရပါတယ်။